Югалган йөзек табылса...

 Табарга өметегезне өзгән, югалган йөзегегез табылды икән, искиткеч көчле кичерешләргә әзер булыгыз. Сезне мәхәббәт дулкыннары күмеп китәчәк. Халык сынамышлары сезгә күңелле туй, гаилә кору вәгъдә итә. Төштә йөзек күрү дә – мәхәббәткә. Өстәлдән, кәрзиннән алма тәгәрәп төшеп китте икән, шулай ук романтик маҗараларга әзер булыгыз.

Юлда табылган ат дагасы да уңыш, акча гына түгел, яңа хис-тойгылар да вәгъдә итә. Исләргә игътибар итәсезме? Эссе җәй көнендә сезгә Яңа елны хәтерләткән ылыс, мандариннар исе тоелып киткәне бармы? Яисә дару исләре килергә тиешле даруханәдә сез шоколад исе тойдыгыз?

Кыш көнендә җәйге чәчәкләр исе чагылып китте? Язмыш сезгә мәхәббәт киләчәге хакында хәбәр бирә! Хуш исләрдә сөюнең елның нинди мизгелендә киләчәгенә ишарә бар...

Фото: pixabay.com

 http://atnya-rt.ru