Зеленая Роща китапханәсендә нәниләр өчен китап бәйрәме үткәрделәр

Зеленая Роща китапханәсендә балалар бакчасыннан килгән нәниләр өчен кызыклы бәйрәм үтте. Корней Чуковскийның “Мойдодыр” китабы буенча кычкырып уку оештырылды.

Мойдодыр ролендә – китапханәче Ольга Мөхәмәтҗанова. Ул рольгә кереп, балалардан сорашып чыкты: барысы да кулларын юалармы? Дөрес итеп юалармы? Хәтта хуш исле сабыннар да бүләк итте.

Китапханә мөдире Әлфия Хафизова балалар белән Мойдодырның яраткан уенын уйнатты. Кыскасы, уйнадылар да, укыдылар да һәм куллар чиста булу – сәламәтлек өчен кирәк икәнен аңладылар нәниләр.

Фотолар: китапханәдән