27 кызны көчләгән хокук сакчысы вакытыннан алда төрмәдән чыгаруларын сорый

Түбән Тагилда суд Россия Эчке эшләр министрлыгының элеккеге хезмәткәре 44 яшьлек Артур Косицынның үтенечен канәгатьләндергән. Ул 27 кызны көчләүдә гаепләнә.

Хөкем ителгән полицейскийга җәзаны йомшарту карары чыгарылган: аны бер елга иртәрәк – мәҗбүри эшләргә җибәрү шарты белән колониядән чыгарачаклар. Маньякны азат итүгә прокуратура һәм колония администрациясе каршы чыга. Соңгы карарны Свердловск өлкәсе суды кабул итәчәк. Экс-полицейскийның 2017 елдан ​бирле иреккә чыгарга омтылуы мәгълүм.

2011 елда хокук сакчысын Мәскәү суды 13 елдан артыкка ирегеннән мәхрүм иткән. Вакытның яртысыннан соң ул калган өлешен мәҗбүри эшләргә алыштыру турында сорый башлаган. Район суды бу үтенечләрне канәгатьләндерә, ә өлкә суды гамәлдән чыгара.

Тикшерү мәгълүматлары буенча, 2005-2009 елларда Мәскәү һәм Бөреле һәм Зябликово районнарында 27 хатын-кыз Косицын корбаны булган. Ул сигез көчләү, биш көчләүгә омтылу, 18 көчләү эпизоды һәм дүрт сексуаль көчләүгә омтылуда гаепләнә.

"Ватаным Татарстан"