Лениногорскилыны мошенниклар банкка бурычлы ясаган

Бу юлы угрылар әлләни яңа ысул белән мавыгып тормаганнар, ир кешенең  шәхси телефонына шалтыратып, билгесез кешеләр сезнең исемгә кредит рәсмиләштерергә маташа дигәннәр. Билгеле инде, шалтыратучы үзен банк хезмәткәре дип таныштырган. Кредит рәсмиләштерү операциясен блокировкага кую өчен, телефонга килгән код саннарын гына әйтергә кирәк булган. Ир кеше әңгәмәдәшенең барлык сүзләренә дә ышанып, ул ни сораган булса – шуларны эшләгән.

Бераз вакыттан соң аңа банктан шалтыратып кредит бурычы барлыгы турында әйткәннәр,  лениногрскилы шунда гына үзенең мошенниклардан алдануын аңлаган. Аның исеменә 30 меңнән артыграк кредит рәсмиләштерелгән булган.

Бүгенге көндә җинаятьчеләрең шәхесен ачыклауга юнәлдерелгән оператив-эзләнү эшләре бара.