Лениногорскиның Вокзальная урамында юл һәлакәте булган

Чәршәмбе көнне шәһәрнең Вокзальная урамында юл һәлакәте була.

23 яшьлек "ИЖ" автомобиле йөртүчесе Чайковский урамыннан Белинский урамына таба хәрәкәт итүче "ВАЗ" автомобиленә юл бирми һәм авария барлыкка китерә. Нәтиҗәдә, ВАЗ дагы 1984 елгы пассажир төрле тән җәрәхәтләре ала.

23 яшьлек йөртүче 2014-2015 елларда юл хәрәкәте кагыйдәләрен бозу өчен ике тапкыр административ җаваплылыкка тартыла, ике штрафы буенча ирекле рәвештә түләү вакыты да чыкмаган, извещение бирелгән.

Ә 26 яшьлек ВАЗның йөртүчесе юл кагыйдәләрен бозу өчен җиде тапкыр җаваплылыкка тартылган, штрафлары түләнгән була.

Лениногорск шәһәре Эчке эшләр бүлеге матбугат хезмәте