Наркотик матдәләр өчен лениногорскилыны 6 елга хөкем иттеләр

Эчке эшләр бүлеге хезмәткәрләре тарафыннан тоткарланган 36 яшьлек ир кеше «наркотикларны законсыз сатуга омтылу» маддәсе буенча гаепле дип табылды.

Суд  материалларыннан күренгәнчә,  Лениногрскида яшәүче интернетта тыелган матдәләр сату турында мәгълүмат тапкан.  Аннан соң ул үзе белән аралашкан кеше аша,  бу матдәләр сакланган урыннарның  координаталарын алган. Аларның берсе Әлмәттәге бер бакчачылык ширкәтендә булып чыккан.  Шул урыннан Лениногорскида яшәүче 34 граммнан артык мефедрон  барып алган. Наркотикларны ул соңрак сатарга җыенган булган.  Әмма бакча җәмгыятеннән чыккан вакытта җинаятьчене полиция хезмәткәрләре  тоткарлаган.

Суд  гаепләнүчене алты елга катгый режимлы колониягә  хөкем итте.

Әлегә хөкем карары үз көченә кермәгән, дип хәбәр итә республика прокуратурасы матбугат хезмәте, Татарстан Югары судына шикаять бирелергә мөмкин.