Прокурор Бөгелмәдә укытучы һәм укучы арасындагы низагның аудиоязмасын тикшерергә кушты
(Казан, 26 ноябрь, «Татар-информ»). Татарстан прокуроры Бөгелмә мәктәбендә укытучы һәм укучы арасында чыккан низагның аудиоязмасын тикшерергә кушты. Бу хакта «Татар-информ» агентлыгына ТР прокуроры өлкән ярдәмчесе Руслан Галиев хәбәр итте.
Әлеге язмада педагог яшүсмерне мыскыл итә һәм аңа яный дип фаразлана.
Бөгелмә шәһәр прокуратурасы алдында язманың дөреслеген, низагта катнашучыларның шәхесен һәм әлеге вакыйганың башка нечкәлекләрен ачыклау, шуннан соң аңа хокукый бәя бирү бурычы тора.
«Моның нигезе булган очракта, прокурор тарафыннан законлы чаралар күреләчәк», - диде Руслан Галиев
Бу хакта тулырак: https://tatar-inform.tatar/news/2018/11/26/175904/
https://pixabay.com/ru фотосы
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев