"Силсәвит" дустың булса, бушлай фатир аласың...
Кырын эшең фашланса, урамда да торып каласың. Башкортстанның Гафури районының Красноусол авылы хакимиятенең элекке башлыгы моның өчен миллионлаган сум штраф та түләргә тиеш әле.
2012 елда аңа торак бирүне сорап бер хатын мөрәҗәгать иткән.
Авыл Советы башлыгы, хатын-кызның торак шартларын яхшыртуга мохтаҗ булмавын һәм чиратта торучылар исемлегендә тормавын белә торып, аның белән Красноусол авылында 68 квадрат метр мәйданлы фатирга социаль найм шартнамәсенә кул куйган.
Түрә үз гамәлләре белән муниципалитетка 1,3 миллион сумга якын зыян китергән. Суд экс-башлыкны 150 мең сум күләмендә штрафка тарттырган һәм аннан китерелгән зыянны түләттергән.
Күктән явып торган акча яңгыры туктагач та яшәргә кирәк, бәлки, эшләп ашарга өйрәтер аны тормыш...
Фото:https://pixabay.com/ru
http://almet-rt.ru/news/mgyyat/silsvit-dusty-bulsa-bushlay-fatir-alasy
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев