Татарстанда 20 яшьлек кызга пычак белән ташланган җинаятьче эзләнә [ФОТО]

Казанда полиция хезмәткәрләре 20 яшьлек кызга һөҗүм иткән ир-атны эзли. Җинаять Карбышев урамы 12 нче йорт яныннан ерак түгел урында 27 июнь төнендә кылына. Җинаятьче кызга күп тапкыр пычак белән чәнчи һәм качып китә. Канга баткан кызны узып баручылар күреп ала һәм полиция белән табибларны чакырта.

Әлеге факт буенча җинаять эше дә кузгатылды. Зыян күргән кыз җинаятьчене сурәтләп бирә алды. Җинаять урынында ир-атның "Megapolis 881 gold" маркалы күзлеге дә табыла.

Мәгълүматлы булучылар өчен элемтәгә чыгу телефоннары: 2914-952 һәм 2914-902, 2914-955, 2914-940 яисә 02, 052 (аноним).

http://intertat.ru/tt/