Татарстанда бер егетне әбисен вәхшиләрчә үтерүдә гаеплиләр

Гаепләнүченең  абыйсы полиция хезмәткәрләренә хәбәр иткәнчә, 21 яшьлек  энесе кинәт көтмәгәндә аңа пычак белән ташлана һәм яный башлый. Ир өйдән чыгып, ярдәмгә полиция чакыртырга өлгерә. Бу вакытта егет 89 яшьлек әбисен пычак белән чәнчеп үтергән дип фаразлана. Соңрак ул күршеләренә кереп бер ирне пычак белән яралый.  Шуннан соң ул өендә полиция хезәмәткәрләре тарафыннан кулга алына. Аңа карата “Үтерү” маддәсе буенча җинаять эше кузгатылган.

чыганак:almet-rt.ru

Фото:https://pixabay.com