Татарстанда бер ир-ат Бөек Ватан сугышы ветеранын үтерүдә гаепләнә

31 яшьлек ир-атка карата “Үтерү”, “Талау”, “Гадел хөкемгә һәм башлангыч тикшерү үткәрүгә комачаулау” маддәләре буенча җинаять эше кузгатылган.

Аның 2020 елның 17 сентябрендә Аксубай бистәсендә Бөек Ватан сугышы ветераны, 89 яшьлек пенсионер әбинең йортына кереп, аннан акча таләп итүе ачыкланган. Әбекәй аңа 85 мең сум акчасын биргән. Әмма ул моны азсынып, әбине буган һәм башына үтүк белән бәргән. Ветеран шундук һәлак булган.

Суд җинаятьчене 20 еллык төрмә җәзасына хөкем иткән.

Чыганак: https://vatantat.ru/2021/12/71492/