Куакбаш авылы китапханәсендә "әкият капчыгын" чиштеләр

Шулар арасында әкиятләр аерым урын алып тора.

Куакбаш авылы китапханәсендә мәктәп яны лагеренә йөрүче балалар белән әкиятләр дөньясына сәяхәт ясадылар, дип хәбәр итә китапханәче Гүзәлия Мифтахова.

Тылсымлы әкият капчыгыннан китапханәче төрле биремнәр язылган тартмачыклар, төргәкләрне, китапларны ала торды, ә балалар андагы биремнәрне бик рәхәтләнеп үтәп чыктылар.

Китапханәгә кунакка урманнан Убырлы карчык та килде. Аны да балалар белән бергәләп, китап уку бик файдалы, аннан бик күп белем алып булуына инандырдык.

Шулай итеп нәни китап сөючеләр татар һәм рус халкының үзләренә яхшы таныш булган әкиятләрен искә төшереп, китапханәгә әле яңа гына кайткан әкият китаплары белән дә танышып, бик күңелле һәм файдалы әдәби сәяхәт ясадылар.