МӘДӘНИЯТ
19 яшьлек Айзилә Фирдүс Тямаев төркемендә җырлап күпме акча эшли?
Айзилә Вахитовага 19 яшь һәм ул Алабуга мәдәният һәм сәнгать көллиятендә белем ала. Кызның яраткан шөгыле - җырлау. Буш вакытында фортепианода уйный-уйный җырлый һәм моны шундук видеога яздырып, инстаграмына урнаштыра. Шулай итеп, матур тавышлы Айзиләнең видеоларын татар блоггерлары үзләреннең аккаутларына куя башлый һәм кыз танылып өлгерә. - Фирдүс Тямаев "төркем...
Айзилә Вахитовага 19 яшь һәм ул Алабуга мәдәният һәм сәнгать көллиятендә белем ала. Кызның яраткан шөгыле - җырлау. Буш вакытында фортепианода уйный-уйный җырлый һәм моны шундук видеога яздырып, инстаграмына урнаштыра.
Шулай итеп, матур тавышлы Айзиләнең видеоларын татар блоггерлары үзләреннең аккаутларына куя башлый һәм кыз танылып өлгерә.
- Фирдүс Тямаев "төркем җыям, телефон номерларыгызны калдырыгыз" дип язгач, номерны язып куйган идем. Күрәсең, Фирдүс абыйның мине инстаграмда күргәне булган. Озак та үтми, ул миңа шалтыратты һәм мин аның төркемендә эшли башладым.
Яраткан эшем белән шөгыльләнгәч, биредә миңа бик ошый. Моңа кадәр Салават Миңнеханов һәм Гүзәлем белән дә гастрольләрдә йөреп алган идем. Аннан тыш, музыка мәктәбендә дә укытам. Алла боерса, киләсе елда Алабуга мәдәният һәм сәнгать көллиятен тәмамлыйм.
- Айзилә, сезгә бит әле 19 яшь кенә! Ә үзегез нәрсә белән генә шөгыльләнмисез?!
- Әйе, мин үземне үзмаксатлы дип саныйм.
- Сер булмаса, Фирдүс Тямаев Сезгә күпме түли?
- Моны әйтәсем килми. Әмма акча үземә дә, әти-әниләремә берникадәр ярдәм итешергә дә җитә.
- Фирдүс бит әле ул тиз кызып китүчән. Аның белән эшләве дә җиңелләрдән түгелдер.
- Төрле чаклар булгалый, әмма минем өчен ул бик әйбәт кеше.
- Бэк-вокал - ул еш очракта җырлый белмәүче, музыкага авыз ачып торучы чибәр кызлар. Сезнең очракта?
- Юк, Фирдүс Тямаевның концертында - башкача. Фирдүс абый фонограмманы бөтенләй өнәми! Тере музыкантлар, мин дә тере тавышка гына җырлыйм. Миңа калса, матурлык өчен генә бастырылган бэк-вокалисткаларның җырламаганын шундук сизәргә була.
(Шәһри Казан газетыннан)
Чыганак: matbugat.ru/news/?id=20447
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев