Заман сулышы

Кандидатлар халык белән «Минем депутат» онлайн-сервисы аша аралаша

Call-үзәк эшли башлаганнан бирле республикада яшәүчеләрдән 3000нән артык наказ һәм тәкъдимнәр килеп ирешкән.

 

«Минем депутат» ресурсының call-үзәгендә Анжела Вавилова исемендәге фонд идарәсе рәисе Владимир Вавилов дежур торды. Call-үзәк хезмәткәрләре кандидатларның һәркайсына Мойдепутат сайтына онлайн рәвештә яки 8800-16-00 «кайнар линия» телефоны буенча килгән республика халкының мөрәҗәгатьләрен тапшыра

 «Бу минем икенче кизү торуым, - дип сөйләде Вавилов. – Татарстан халкы актив рәвештә катнаша, бик күп мөрәҗәгатьләр килә. Беренче дежурлыктаа 30дан артык сорау килде, мин барысына да җавап бирдем. Без проблеманың ничек хәл ителәчәге турында сөйлибез һәм, һичшиксез, аның чишелешен контрольгә алабыз. Барлык мөрәҗәгатьләр дә теркәлгән».

Ресурс үзәге эшләү дәверендә республикада яшәүчеләрдән барлыгы 3000нән артык наказ һәм тәкъдимнәр кергән. Аларның күбесе төзекләндерү, юллар төзү, торак-коммуналь хуҗалыгы проблемалары һәм социаль сәясәт мәсьәләләре.буенча.

«Бу гражданнарның тормыш хәлен, экологияне яхшыртуга, тирә-юньдәге хәлне яхшыртуга өметләнгән мөрәҗәгатьләр.

Кешеләр бирә торган сораулар, нигездә, бик глобаль түгел: кайдадыр ут юк, кайдадыр яшелләндерү һәм  балалар мәйданчыгы җитми. Аларның күбесен «Бердәм Россия» инициативасы белән чыккан «Безнең ишегалды» проекты кысаларында хәл итеп булачак», - дип билгеләп үтте Владимир Вавилов.

«Минем депутат» проектының кабул итү бүлмәсе 9:00 дән 21:00 гә кадәр эшли. Анда көн саен партия исемлегенең барлык кандидатлары чират буенча кизү тора. Алар билге мәсьәләләр һәм тәкъдимнәр буенча фикер алышу өчен наказлар калдырган Татарстан халкына шәхсән шалтырата.

Партиянең төбәк бүлегендә «МойДепутат» сервисы сайлаулардан соң эшен дәвам итәчәк, дип билгеләп үтәләр. Аның функцияләре  киңәйтеләчәк: порталда ТР Дәүләт Советы «бердәмроссиялеләре» депутатларына гына түгел, ә РФ Дәүләт Думасында Татарстан вәкилләренә, шулай ук Муниципаль Совет әгъзаларына наказлар калдыру мөмкинлеге булачак.

 

 

Нравится
Поделиться:
Реклама
Комментарии (0)
Осталось символов: