Заман сулышы

Рөстәм Миңнеханов хастаханәләрдә койка-урыннар санын тикшереп йөри

Яңа типтагы Covid-19 коронавирус белән авыручылар саны арткан очракта кирәкле санда койка-урыннар булуын тикшерү өчен, Татарстан Президенты Рөстәм Миңнеханов шәхсән үзе хастаханәләрне тикшереп йөри.

 

Бүген Татарстан Президенты 7нче Казан шәһәр клиник хастаханәсенә килде. Биредә алты сәгать эчендә өстәмә рәвештә 150 урын әзерләнгән.

Республиканың сәламәтлек саклау министры Марат Садыйков коронавируслы пациентларны госпитализацияләү кирәк булган очракта, өстәмә рәвештә 3,8 меңнән артык койка-урын булдырылачагын әйтте.

Моннан тыш, урыннар барлык үзәк район хастаханәләренең йогышлы авырулар бүлекләрендә дә барлыкка киләчәк. Шулай итеп, Татарстанның бөтен территориясе буенча хастаханәгә керү мөмкинлеге максималь дәрәҗәдә әзер булачак, диде Татарстан Сәламәтлек саклау министрлыгы башлыгы. Садыйков шулай ук медицина персоналының инфекционист хезмәттәшләренә ярдәм итәргә һәм эшкә кушылырга әзер булуын искәртте.

Реклама

Рөстәм Миңнеханов, хастаханәләрдә дәваланучы пациентлар уңайсызлыклар кичермәсен өчен, агымдагы эшчәнлекне дәвам итүнең дә мөһимлеген әйтте.

«Медицина хезмәткәрләре хәзер алгы фронтта, безнең кешеләрнең сәламәтлеген саклыйлар. Үз-үзләрен аямый хезмәт куялар. Без аларга рәхмәтле булырга тиеш! Һәм алар хакына — якындагы атнада өйдә калырга кирәк», — дип искәртте Татарстан Президенты.

 

https://tatar-inform.tatar

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: