Заман сулышы

ТР Президенты түләүсез туклану оештыру өчен мәктәп ашханәләрен тикшерергә кушты

Якындагы айда Татарстанда барлык мәктәп ашханәләрендә җиһазлар һәм персонал җитү-җитмәүне тикшерәчәкләр. Татарстан Республикасы Президенты Рөстәм Миңнеханов республика Хөкүмәте Йортында узган киңәшмәдә шундый бурыч куйды.

 

РФ Федераль Җыенга юлламасында Россия Президенты Владимир Путин 2023 елның 1 сентябренә кадәр башлангыч сыйныф укучылары өчен бушлай сәламәт туклану оештыруга этаплап күчүне тәэмин итәргә йөкләде, дип искәртте Рөстәм Миңнеханов.

Республикада 1,4 мең мәктәптә 200 меңгә якын башлангыч сыйныф укучысы укый, диде Рафис Борһанов. Мәктәпләрнең төп өлеше укучыларның туклануын мөстәкыйль рәвештә тәэмин итә, барлык мәктәпләрнең тагын 15 проценты чит оешмаларны җәлеп итә, дип аныклады ул.

«Рөстәм Миңнеханов бер ай эчендә гомуми белем бирү оешмаларының туклану урыннарын инвентаризацияләргә, шулай ук мәктәп ашханәләренең кирәкле кадрлар белән тәэмин ителешен бәяләргә кушты», - диделәр ТР Президенты матбугат хезмәтендә.

Реклама

Моннан тыш, республика җитәкчесе ТР Мәгариф һәм фән министрлыгына Роспотребнадзор идарәсе белгечләре, муниципаль берәмлекләр белән бергә мәктәптә укучылар туклануын оештыру һәм азык сыйфатын контрольдә тотуны йөкләде.

 


https://tatar-inform.tatar

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: