Арзанга төшә торган бик «җәһәт» бәлеш пешерү ысулы
Бу бәлешне пешерү өчен акча да, вакыт та күп кирәкми. Күпереп пешә, туклыклы, тәмле…
КИРӘК:
200 г он, 250 г кефир, 2 данә йомырка, 10 г камыр күперткеч (разрыхлитель), 8-10 данә зур булмаган сосиска, 1 чәй кашыгы тоз, кыздыру өчен бераз сыекмай кирәк.
Сосискаларны, алтынсу төскә кергәнче, үсемлек маенда кыздырып алырга. Тирән савытка йомырка, камыр күперткеч, тоз (бер чеметем шикәр комы салырга да була), кефир һәм он салып, сыек кына камыр ясарга.
Табаны майлап, камырның яртысын салырга. Сосискаларны тезеп, өстенә калган камырны агызырга. 180 грдауска җылытылган газ мичендә 35-40 минут пешерергә, дип яза Ватаным Татарстан.
Фото: vatantat.ru
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев