ТОЗЛЫ МЕНДӘРДӘ ПЕШКӘН ТАВЫК

автор, 2 апрель 2019 - 15:13

1486

Әлеге ысул белән кыздырылган тавыкның ите сусыл була, артык тозлы да, майлы да булмый ул. Пешерүе дә бик тиз – бер дә мәшәкатьле түгел. Тиресе дә кетердәп кенә тора аның. Бәйрәм табынына да бик таман гына булачак. Пешереп карагыз, үкенмәссез.

Кирәк:
* 1 кг чамасы тавык;
* 1 данә лимон;
* 500 г тоз;
* 1 чәй кашыгы паприка;
* ярты чәй кашыгы кайен (чили) борычы;
* 1 чәй кашыгы хмели-сунели;
* тәменчә төелгән кара борыч.
Эш барышы:
1. Төелгән кара борычны, паприканы (киптерелгән баллы борыч), хмели-сунелины, кайен борычын бергә кушабыз.

2. Барлыкка килгән катнашма белән тавыкның эченә-тышына сөртәбез. Түшен әз генә кисеп җибәрәбез дә «кесә» кебек килеп чыккан урынга тавыкның канатларын кайтарып куябыз.

3. Эченә бөтен килеш лимон тыгабыз.

Эш барышы:
1. Төелгән кара борычны, паприканы (киптерелгән баллы борыч), хмели-сунелины, кайен борычын бергә кушабыз.

3. Эченә бөтен килеш лимон тыгабыз.

4. Тозны табага тигез итеп җәябез. Тавыкны тоз өстенә салабыз. Салкын духовкага куябыз. Духовка 200 градуса кадәр җылынгач, 1 сәгать тә 40 минут вакыт кыздырабыз.

5. Әзер булгач, лимонны тавык эченнән алып ташлыйбыз.
Табынга яшелчәләр белән бергә чыгарабыз.
Ашларыгыз тәмле булсын!