Лениногорскида грипп очрагы ачыкланган
Шәһәр һәм районда шушы елның 5нче, 6нчы атнасында кискен респиратор вирус авырулары артуы күзәтелгән. Бу хакта мэриядә санитар-эпидемиягә каршы комиссия утырышында хәбәр иттеләр.
Үзәк район хастаханәсе табиб-эпидемиологы Фәния Миннебаева әйтүенчә, шәһәр һәм районда елның 5нче, 6нчы атнасында ОРВИ буенча эпидемия бусагасы 20 процентка югарырак булган. Бигрәк мәктәпкәчә яшьтәге балалар арасында авыру күзәтелгән.
- Хәзер кимүгә таба бара. Табиб чакыртулар да кимеде, - ди ул.
Шәһәрдә ике кешедә грипп очрагы лаборатор рәвештә раслануын да әйтте ул. Алар хәзер хастаханәдә, берсе реанимациядә икән. Икесе дә 40 яшькә кадәргеләр. Ир-ат гриппка каршы прививка ясатмаган булган.
Гыйнвар башыннан бүгенге көнгә кадәр шәһәр һәм районда ОРВИ белән 4 меңнән артык кеше авырган.
Розалия Мостафина
фото:pixabay.com
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев