Татарстанда ЭКО буенча чиратны алдагы ике елда күпкә киметү фаразлана
Татарстанда ЭКО буенча чиратны алдагы ике елда күпкә киметү ниятләнә. Бу хакта брифингта Татарстанның сәламәтлек саклау министры Марат Садыйков әйтте.
«ЭКО — балалар туу күрсәткечен арттыру коралларының берсе», — диде министр. Чират кайчан кимүгә килгәндә, аның сүзләренчә, бу нәтиҗәлелек мәсьәләсе белән бәйле. Мәскәү, Санкт-Петербург, Казанда ЭКО нәтиҗәлелеге зур. «Теләгән нәтиҗәгә китереп җиткерү 40 процент тәшкил итә. 2020-2021 елларда бу мәсьәләне хәл итәрбез дип уйлыйм», — диде.
Марат Садыйков әйтүенчә, бүген регистрда ЭКО ярдәменә мохтаҗ 2 меңнән артык хатын-кыз исәпләнә.
«Мәҗбүри медицина иминияте буенча федераль акчалар да бар. Президентка да рәхмәт: ЭКО ярдәмен арттыру өчен 21 млн сум тирәсе субсидия бүлеп бирелде», — дип әйтте министр.
https://tatar-inform.tatar/news/health/23-12-2019/tatarstanda-eko-buencha-chiratny-aldagy-ike-elda-k-pk-kimet-farazlana-5712728
Фото:https://pixabay.com/ru/
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев