Лениногорск бадминтончылары финал уеннарына әзерләнә
Лениногорскида бадминтон белән яратып һәм күпләп шөгыльләнәләр. Әледән –әле ярышлар да оештырылып тора. Узган ял көннәрендә безнең бадминтончы үсмерләр Әлмәттә көч сынашып кайттылар.
Республиканың көньяк-көнчыгыш зонасы уеннарына сайлап алу этабы Әлмәттә булды. Зона уеннары “Татарстанның бадминтон өметләре” дигән исем белән үтте. Әлеге ярышларда Лениногорск спортчылары уңышлы чыгыш ясадылар. Шәһәрнең 5 нче мәктәп укучысы Дарья Решетова 2009-10 нчы елгы бадминтончылар арасында беренче урынга, ә бәйгенең төп нәтиҗәләре буенча икенче урынга чыкты. Ә 2 нче мәктәптә белем алучы Полина Захарова, шулай ук, төп нәтиҗәдә өченче урынны алды. Алар башкалабыз Казанда узачак финал уеннарында катнашачак. Әлеге ярышларга Лениногорскидан тагын бер уенчы сайлап алынды, ул -10 нчы мәктәп укучысы Камилла Минәхмәтова.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев