Лениногорскида шахматның киләчәге өметле күренә

Шушы кырык елдан артык дәвердә биредә йөзләрчә бәйге һәм турлар булып үткән. Бу мәктәптә тәрбияләнүчеләр үз шәһәребездә уздырылган бәйгеләрдән тыш, республика һәм илкүләм  ярышларда катнашып, шәһәребез данын яклаган.

Шушы көннәрдә генә 2 нче шахмат мәктәбендә “Соңгы кыңгырау” дип аталган тиз уйнау ысулындагы традицион турнир булды. 

Турнир шушы еллар эчендә шахмат мәктәбен тәмамлаучыларга багышланды. Шахмат буенча, 1980 нче елда шәһәрнең беренче чемпионы булган Виктор Смирнов призына үткәрелде.

Уен швейцария системасы буенча 11 турда  үтте.  Бу зур бәйгедә үз шәһәребезнең шахмат осталарыннан тыш, Әлмәт, Баулы, Бөгелмә, Зәй һәм Самара өлкәсеннән дә шахматчылар җыелды. 

Барлыгы 59 шахмат белән шөгыльләнүче килгән иде бу ярышларга. 

Өлкәннәр арасында абсолют зачетта Марсел Мөбәрәкшин җиңүче булды.  Ә Владимир Шуваткин 3 нче урынга чыкты.

Шахмат ветераннары арасында Александр Трошихин да дәрәҗәле 3 нче урынга лаек булды. 

Яшьләр дә сынатмады. Үсмерләр кызлар арасында – Варвара Фролова, ә егетләрдән Захар Плютага тиңнәр табылмады.