Лениногорскилылар республика турнирында биш алтын медаль алды

Лениногорскиның “КАТАNА” көрәш клубында шөгыльләнүчеләр республика һәм илкүләм бәйгеләрдә уңышлы катнашып киләләр. Шушы көннәрдә генә Бөгелмә шәһәрендә үткән көрәш бәйгесендә  алар үзләренең көчле рухлы, җиңүгә омтылышлары  нык булуын күрсәттеләр.  Турнир клубның  медальләр җыелмасын берьюлы биш алтын медаль белән тулыландырды.

Бу ярышларда Татарстаннан, көрәшнең бу төре белән җитди кызыксынучы 400 малай һәм кыз катнашты. Лениногорскиның “КАТАNА” клубы вәкилләре  әлеге бәйгедә югары күрсәткечләргә ирештеләр. Республика ачык турнирында катнашу аларга биш- алтын, өч –көмеш һәм, сигез бронза медаль китерде. Алтын медаль ияләре: Ислам Шәмәрдәнов, Михаил Сергеев, Виктор Хрулев,Александра Сергеева, Сөмбел Аризматова.

Көмеш медальләрне Роман Юнысов, Иван Тышко һәм Ника Долголаптева яулады. Давид һәм Жорез Жамкочиян, Кирилл Илюхин, Әскәр Ризатдинов, Дмитрий Ильин, Егор Шуков, Ярослав Вечкитов, Артур Бердиев бронзага лаек булдылар. Әлеге көрәшче малайлар һәм кызларның тренерлары Фуркат Джумбаев. Аларга  спортта яңадан –яңа үрләрне яулап алуларын телибез.