Лениногорскида Ураза гаетен бергә җыелып бәйрәм иттеләр (фотолар)

Лениногорскидагы "Ихлас" мәчете каршындагы парк бүген гөрләп торды.

Ураза бәйрәме уңаеннан, лениногорскилылар өчен бәйрәмне шунда үткәрергә уйлаганнар. Җыелган халыкны район башлыгы Рәгать Хөсәенов котлады. Төрле милләт халыкларын берләштерүче бәйрәм, киләчәктә дә шулай зурлап үткәрергә язсын, дип теләде. Булат хәзрәт үзенең изге теләкләрен җиткереп, бәйрәм тәртибе белән таныштырды. Шуннан мөнәҗәтләр әйттеләр, рәсем конкурсы җиңчеләрен бүләкләделәр, бик күп уеннар оештырылган иде. Халык күп җыелды, хәтта районыбыз авылларыннан гаиләләре белән килүчеләр булды.