Заман сулышы

"Балам исерек водитель аркасында инвалид булып калды..."

Интернет челтәрендә 35 яшьлек хатын-кыз җан тетрәткеч язма бастырган.

"5 ел элек Сочига ял итәргә барганда коточкыч юл-транспорт һәлакәтенә очрадык. Машинада ирем һәм ике балам бар иде. Барыбыз да төрле дәрәҗәдәге җәрәхәтләр алдык.

Кызганычка каршы, 4 яшьлек баламның умыртка баганасы сынды һәм ул гомерлеккә инвалид булып калды. Ә кем аркасында ул инвалид булып калды? Безгә бәрелгән машина аркасында. Җитмәсә, водителе исерек тә булган.

Менә уйлап карагыз, исерек водительне 6 елга төрмәгә утырттылар, ә минем балам гомерлеккә инвалид булып калды. Кая монда гаделлек!?

Балам әлеге вакытта ни булганын аңлап та бетерми. Көн дә диярлек миннән сорый: "Ни өчен мин йөри алмыйм", - ди. Ә мин аңлатып бирә алмыйм.

Ходай сабырлык бирсен иде", - дип язган ул.

Реклама

ЧЫГАНАК

Фото: pixabai.com

Автор:Ример Насретдинов

 

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: