2027 елның 1 сентябреннән илдәге барлык мәктәпләрдә балаларның тәртибен бәяләү системасын кертергә мөмкиннәр.
РФ мәгариф министры урынбасары Ольга Колударова белдергәнчә, әгәр мәктәпләрдә тәртипне бәяләүне сынау уңышлы узса, 2027 елның 1 сентябреннән ул бөтен ил буенча кертелергә мөмкин. Бу хакта РИА Новости хәбәр итә.
«Әгәр тиешле апробация уңышлы узса, 2027 елның 1 сентябреннән без аны бөтен ил буйлап кертергә әзер булачакбыз», – диде Колударова.
Аның сүзләренчә, хәзерге вакытта тәртипне бәяләү системасы Россиянең җиде субъектында сынала һәм 2 меңгә якын укучыны колачлый. Системаны кертү дисциплинаны, социаль активлыкны һәм башка укучылар һәм педагоглар белән үзара хезмәттәшлек нормаларын үтәүне исәпкә алуны күздә тота.
Нет комментариев