Бөтендөнья сугышында катнашучыларны искә алдылар

Беренче Бөтендөнья сугышы башлануга - 100 ел. 1554 көн дәвамында барган сугышта безнең якташлар да катнашкан.

Зәй-Каратай авылы мәдәният йортында аларның каһарманлыгын искә алу кичәсе булды. Анда башкарма комитет җитәкчесе урынбасары Владимир Друк катнашып, сугыш каһарманнары турында искә алды. Авторлары Ибраһим Туйкин һәм Җәүдәт Хәлимов булган «Зәй-Каратай авылы тарихы» китабында әлеге авылдан киткән 217 сугышчының исем-фамилиясе китерелгән. Алар арасында авылның данын еракларга таратучы кешеләр дә бар. Беренче Бөтендөнья сугышында катнашып, илебез өчен башын салган якташларыбызга рәхмәт сүзләре әйтелде.