Галимнәр чәч коелу белән Covid-19 арасындагы бәйләнешне ачыклаган
Япония галимнәре коронавирус белән авырган кешеләрдә көтелмәгән нәтиҗәләр турында сөйләде. Аларның сүзләренчә, хастаханәдән дәваланып чыккан кайбер пациентларның чәчләре коела башлаган. Бу турыда NHK телеканалына сылтама белән РИА Новости хәбәр итә.
Коронавирустан дәваланып чыкканнан соң 4 ай узгач та 11 процент кешедә — тын кысылу, 10 процентта — хәлсезлек, 10 процентта — ис тоймау, 4 процентта — ютәл, 2 процентта тәм тоймау билгеләре кала.
Моннан тыш, Covid-19 симптомнары барлыкка килгәннән соң ике ай узгач, хастаханәдән чыккан кайбер пациентлар чәчләре коелуга зарлана башлаган.
Белгечләр сүзләренчә, шул ук симптомнар Эбола яки Денге бизгәге белән авыручыларда да шул ук симптомнар күзәтелгән. Әмма алар чәч коелу стресс кичерүгә дә бәйле булырга мөмкин, дип белдерә.
https://tatar-inform.tatar/news/health/23-10-2020/galimn-r-ch-ch-koelu-bel-n-covid-19-arasyndagy-b-yl-neshne-achyklagan-5780681
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев