Ике лениногорскилы II Халыкара төзелеш чемпионатында алтын медаль алдылар

Турнир 5-8 октябрьдә «Казан Экспо» мәйданчыгында узды. Анда 20 илдән 1 меңгә якын профессиональ төзүче катнашты, өч көн дәвамында 20 номинация буенча ярыштылар.

Татарстан җыелма командасы Чемпионатның җиңүчесе булды. Әлеге команда составында безнең Лениногорск политехник колледж студентлары: Данил Баландин һәм Никита Советкин бар иде. Алар «КИП и А җиһазларын монтажлау» номинациясендә җиңү яуладылар.

Фото: ЛПК

• Беренче чемпионат Сочи шәһәренең “Сириус” фән һәм сәнгать паркында узган булса, быелгы чараның мәйданчыгы итеп Казанда урнашкан “Казан Экспо” халыкара күргәзмәләр үзәге сайланган.