Кайсы очракта баланы мәктәпкә һәм бакчага җибәрергә ярамый?
Бала башкаларга чир йоктырмасын өчен, аның кәефенә аерым игътибар бирергә кирәк.
Тамагы авырта башлаган, томау төшкән һәм температурасы күтәрелгән балалар мәктәпкә һәм балалар бакчасына бармаска тиеш. ТР сәламәтлек саклау министры урынбасары Владимир Жаворонков «Татар-информ» агентлыгында узган матбугат конференциясендә шулай дип белдерде.
«Катараль күренешләр (томау төшү, тамак төбе кымырҗу һәм авырту, температура күтәрелү) күзәтелсә, баланы мәктәпкә җибәрергә ярамый. Бала чынлыкта кече яшьтән үк авыру симптомнарын төгәл дифференциацияләргә сәләтле. Әлбәттә, мәктәпкә барудан баш тартырга омтылып, авыруга сабышмаса», - дип искәртте спикер.
Министр урынбасары билгеләп үткәнчә, югарыда санап үтелгән симптомнар баланы өйдә калдыру һәм табиб чакырту өчен җитә. Жаворонков сүзләренчә, бу мәсьәләдә өлкәннәргә шәхси якын килү каралган.
https://tatar-inform.tatar/news/health/03-09-2020/kaysy-ochrakta-balany-m-kt-pk-m-bakchaga-ib-rerg-yaramavyn-yttel-r-5768461
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев