КЕМНЕҢ АВТОЯГУЛЫГЫ ОЧСЫЗРАК?
Кайсы илдә иң очсыз машина ягулыгы сатыла? Аналитиклар тикшерү үткәргәннән соң “Венесуэлада” дип җавап биргән. Биредә бензинның бер галлоны – 3,8 литр дигән сүз – 0,01 доллардан азрак тора. Икенче урында Иран – бер галлон бензин 1,07 доллар. Өченчедә Кувейт – монда шул ук күләмдәге ягулыкны 1,31 долларга сатып алалар.
Моннан тыш иң очсыз автоягулык сатылган ун ил исемлегенә Нигерия (1,57), Мисыр (1,64), Сәгуд Гарәбстаны (2,06), Малайзия (2,07), Индонезия (2,56), Берләшкән Гарәп Әмирлекләре (2,59) һәм Русия (2,73 доллар) кергән.
Тик шунысын онытырга ярамый – хезмәт хаклары белән чагыштырсаң, безнең илдә бензин хакы барыбер дә кыйммәткә төшә.
Руфина Таҗиева.
omet-rb.rbsmi.ru
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев