Киленен яндырырга уйлаган

20 апрель - шимбә көнне 65 яшьлек хатын шәһәрнең Тукай урамындагы "Миләш" кибете хуҗасын яндырып үтерергә теләп, аның өстенә бензин коя һәм ут төртә. Шуннан соң тыныч кына чыгып китәргә җыенганда кибет сатучылары аны тоткарлый. 36 яшьлек кибет хуҗабикәсе тәне һәм тын юллары пешеп үзәк хастаханәгә озатыла. Бүген ул Республика клиник хастаханәсенә җибәрелгән. Кибет эче янган. Һөҗүм итүче сүзләренә караганда, зыян күрүче аның элеккеге килене, җинаять мөлкәтне бүлә алмаудан килеп чыккан.