Әлмәт шәһәре күлендә 32 яшьлек ир-ат баткан. Бу хакта “Татар-информ”га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.
Әлмәт шәһәре күлендә ир-атның батуы турындагы хәбәр ашыгыч хезмәтнең 112 бердәм номерына кичә иртән килгән.
Коткаручылар сулыкны тикшереп чыккан. Алар ярдан 100 метр ераклыкта ир-атның мәетен тапканнар һәм полиция хезмәткәрләренә тапшырганнар.
Фаҗига сәбәпләре ачыклана.
Бу хакта тулырак: https://tatar-inform.tatar/news/2018/07/28/168674/
Нет комментариев