Лениногорск районында медицина объектлары кулланылышка тапшырылачак

Шимбә, 28 гыйнвар көнне 09..00 сәгатьтә Иске Куакта модульле фельдшер - акушерлык пункты ачылачак. Әлеге ФАП "Сәламәтлек саклау" илкүләм проектының "Сәламәтлек саклауның беренчел звеносын модернизацияләү" программасы нигезендә төзелгән.

Иске Куактагы амбулатория 1970нче елларда төзелгән булган. Хәзер яңа бинада медицина күрсәтү сыйфаты да яхшырыр.

Шул ук көнне икенче объект - 10.00 сәгатьтә Шөгер табиблык амбулаториясендә гериатрия үзәге ачылачак. Биредә өлкән яшьтәге гражданнардагы авыруларны дәвалау һәм профилактикалау белән шөгыльләнәчәкләр, ул районара үзәк булып торачак.

Аннан соң шәһәрдә капиталь ремонттан соң медсанчастьның беренче һәм икенче катлары ачыла.