Лениногорск шахматчылары - республиканың көмеш призерлары
Безнең шахматчылар классик шахмат буенча Татарстан Республикасы команда беренчелегендә көмеш приз яулап алдылар.
Шәһәребездә исемнәре таныш булган Владимир Шуваткин, Николай Мукаев, Андрей Шуваткин, Артем Афанасьевтан торган Лениногорск шахматчылар җыелма командасы тагын уңышка иреште.
Турнир узган атнада, башкалабыз Казанда булып үтте. Бу зур бәйге Казан, Яр Чаллы, Яшел Үзән, Әлмәт, Бөгелмә, Чистай, Лениногорск, Кукмара, Баулы, Актаныш, Мамадыш, Буа, Балтач, Саба, Аксубай һәм Әтнә районнарыннан 45 команда катнашында узды.
Команда ярышында гына түгел, лениногорскилылар шәхси зачетта да уңышка ирештеләр. Үз тактасында Артем Афанасьев бронза медаль алуга иреште.
фото: шахмат мәктәбеннән
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев