Лениногорскида авыл мөслимәләре арасында викторина узды

Аны шәһәр һәм район имам-мөхтәсибе Булат хәзрат Раупов нәсихәт белән башлап җибәрде. Ләйлә ханым Гыймранова уннан артык авыл мөслимәләре вәкилләре өчен бәйгене әзерләп алып барды.

Мөслимәләр ислам дине нигезләре буенча төрле сорауларга җавап бирделәр, кроссворд чиштеләр, тест үттеләр.

Куакбаш, Урдалы, Зәй-Каратай һәм Шөгер авылларыннан килгән апалар, хатын-кызлар уку елында актив катнашканнары өчен аерым зур бүләкләргә лаек булдылар.

Викторинага килгән мөслимәләр намазлыклар һәм зәм-зәм суы белән бүләкләнделәр, үзләренең рәхмәтләрен Лениногорск мөхтәсибәтенә җиткерделәр. Викторинадан соң бергәләшеп чәй табыны янында дога кылдылар. Барысы да бик канәгать калдылар.

Чыганак: https://t.me/islam_v_leninogorske

фото: https://vk.com/shugurovo_116