Лениногорскига “Ярдәм янәшә” азык-төлек тартмаларының икенче партиясе кайтты (фотолар)
“Ярдәм янәшә!” акциясе кысаларында Татарстанда 55 мең мохтаҗ гаиләгә барлыгы 220 мең азык-төлек җыелмасы өләшенәчәк. 13 төрдән тупланган ризык җыелмалары ике ай дәвамында дүрт тапкыр биреләчәк.
Безнең районга әлеге тартмалар беренче тапкыр май башында кайткан иде. Ул вакытта 1002 гаилә азык-төлек тартмасын алды. Бу юлы исә азык-төлек наборы 848 гаиләгә каралган.
Авыл җирлекләренә дә барып җитте әлеге тартмалар.
Исегезгә төшерәбез: тартмалар керемнәре яшәү минимумыннан түбәнрәк, 8 яшьтән олырак балалары булган гаиләләр, шулай ук ялгыз яшәүче 65 яшьтән өлкәнрәк категория кешеләр өчен каралган. Моннан тыш, азык-төлек җыелмасы аз керемле гаиләдә (ата-ананың берсе алимент түләми) тәрбияләнүче балаларга, опека һәм попечительлек вазыйфаларын бушлай башкаручы гаиләләргә тапшырыла.
Фотолар: https://leninogorsk.tatarstan.ru/rus/index.htm/news/1753724.htm
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев