Лениногорскилылар республика ярминкәсендә катнашты

Сивачевлар, Галиевлар һәм Кәримовлар гаиләсе Бөгелмәдә узган иҗади эшләр ярминкә-конкурсында катнаштылар.

Бу чара алтынчы тапкыр уза. Оештыручылар фикеренчә, мондый чаралар алыштыручы гаилә институтының абруен арттыра, гаиләнең иҗади сәләтләрен ача, сәләтле һәм талантлы ата-аналарны һәм ата-ана каравыннан мәхрүм калган балаларны декоратив-гамәли иҗат өлкәсендә ачыклый һәм аларга ярдәм итә.

«Гаилә учагы-илһам чыганагы» дип аталган  республика иҗади эшләр ярминкәсе – конкурсын Бөгелмә шәһәренең ата-ана тәрбиясеннән мәхрүм калган балаларны гаилә коруга ярдәм итү, тәрбиягә бала алган гаиләләрне әзерләү һәм алып бару үзәге янындагы территориясендә оештырдылар. Анда 9 районнан гаиләләр катнашты.