Нефтьчеләр чаңгы ярышлары белән 2023 елгы Спартакиаданы ачты

Хатын-кызлар 3 километрлы, ир-егетләр 5 километрлы дистанцияләрдә узышты.

ЦССП әйдәп баручы белгече  Вадим Кузнецов әйтүенчә, чаңгы ярышларында катнашырга 92 кеше теләк белдергән. “Хезмәткәрләрнең спорт ярышында актив булуы куандыра. Бүген идарәнең цехларыннан 20 – хатын-кыз, 72-ир-егет стартка басты. Трасса бик әйбәт. УСО хезмәткәрләре аны яхшы итеп әзерләгән.  Шулай ук көне дә чаңгычылар өчен менә дигән”, - ди Вадим Кузнецов. 

Елена Юнусова  ЦППД хезмәткәре : “Бүгенге ярышта мин әнием – Антонина Юминова белән катнашам. Чаңгы спортын яратабыз, шуарга еш кына чыгабыз. Безнең  цех тату, бердәм, шунлыктан яраткан цехым өчен теләктәшлек итәр өчен килдем бүгенге чаңгы узышларына”, - ди. 
 

Розалия Мостафина.

Сергей Трусов фотолары