Путин барлык поликлиникаларда чиратларны өч тапкыр киметергә кушты

Россия Президенты Владимир Путин Федераль Җыенга юллама белән чыгышы вакытында илдәге барлык поликлиникаларда чиратларны өч тапкыр киметергә кушты. Ул Россиянең барлык медицина учреждениеләрендә «Сакчыл поликлиника» проектын кертергә йөкләде.

«Хәзер төбәкләрдә «Сакчыл поликлиника» проекты гамәлгә ашырыла. Нәтиҗәдә теркәү бүлеге һәм табиб кабинеты янында көтү вакыты уртача 3-4 тапкыр кыскара. Мин андый поликлиникаларда булдым. Алар бик яхшы эшли. Сәламәтлекләре буенча мөмкинлекләре чикле кешеләр, балалы ата-аналар өчен яхшы шартлар булдырыла», — диде Владимир Путин.

Әлеге проект Татарстанда бары тик Әлмәттә генә кулланыла.

Проектның максаты - поликлиникаларда чиратларны киметү, анализларны әзерләүне тизләтү, терапевтка язылуны җиңеләйтү. Шул ук вакытта өстәмә ресурслар да җәлеп итәргә кирәкми.

Бу хакта тулырак: https://tatar-inform.tatar/news/2019/02/20/181246/

фото:pixabay.com