Шәмсетдиновны янә Читага кайтардылар
Тик әлегә аңа туганнары белән очрашу һәм әйберләр алу чикләнә.
Байкал аръягындагы хәрби частьта 8 хезмәттәшен атып үтергән Рамил Шәмсетдиновны янә Читадагы тикшерү изоляторына кайтарганнар. Аны ялгыз камерага урнаштырулары турында URA.RU чыганагына Рамилнең әтисе Сәлим Шәмсетдинов сөйләгән.
Аның сүзләренә караганда, улын этап буенча Мәскәүдән алып кайтканнар, ул анда психиатрия экспертизасы узган. Рамил үзен яхшы хис итә, изоляторда шартлар канәгатьләнерлек. Хәзерге вакытта СИЗОда, коронавирус аркасында карантин белән бәйле рәвештә, тоткыннарга 3 апрельгә кадәр туганнары белән очрашу һәм алардан әйберләр алу тыелды, дип сөйләгән Шәмсетдинов.
Алдан язып үтүебезчә, солдатка Сербский исемендәге Мәскәү институтында үткәрелгән психиатрия һәм наркология экспертизасы аны үз акылында дип билгеләде, дип яза Кызыл таң.
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев