Сыер савучылар ярышты

Питрәч районының "Рацин-Шәле" җәмгыятендә сыер савучыларның 41 нче республика беренчелеге узды.
Һөнәри бәйгедә безнең районнан "Маркс" (Куакбаш) җәмгыяте сыер савучысы - Гөлия Зарипова катнашты. Ул 88,5 балл җыеп, 14 нче урынга чыккан. Биредә барлыгы 43 оператор ярышкан. 28 яшьлек сыер савучыга бүләк итеп акча һәм азык-төлек җыелмасы тапшыралар, моннан тыш, "Терлекчеләр династиясе" номинациясендә катнашып, электр чәйнеге белән бүләкләнә. Г.Зарипова бәйгегә авыл хуҗалыгы идарәсеннән производство-маркетинг бүлеге консультанты Люция Нуриева белән барды.