Татарстанда юл-транспорт һәлакәтендә бер кеше һәлак булган һәм биш кеше зыян күргән
Татарстанда юл-транспорт һәлакәтендә бер кеше һәлак булган һәм биш кеше зыян күргән. Бу хакта «Татар-информ»га шаһитлар хәбәр итте.
Шаһитлар сүзләренә караганда, 20 апрельдә авария Чаллы — Әгерҗе автомобиль юлында булган. Ханты-Мансийск автономияле округы номерлары булган «Мазда» җиңел автомобиле зур тизлек белән юлдан кюветка төшеп китеп әйләнгән. Машинада 14 яшьтән 21 яшькә кадәрге алты яшь кеше булган.
«Һәлакәттә чит ил машинасының бер пассажиры һәлак булды. Калган биш кеше җитди җәрәхәтләр алган. Аларны ашыгыч ярдәм машинасында хастаханәгә китерделәр», - диде юл-транспорт һәлакәте шаһитлары.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев