Заман сулышы

Янгында бер кешенең гомере өзелгән

Бөгелмә районында чыккан янгында бер кешенең гомере өзелгән, берсе зыян күргән. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

 

4 апрельдә көндезге өчләр тирәсендә 112 бердәм номерына Кече Бөгелмә авылының Тынычлык урамында янгын чыгуы турында хәбәр килгән.

Янгын сүндерүчеләр урынга килгәндә ялкын телләре бер катлы агач йортны тулысынча ялмап алган була инде.

Ут белән көрәшүчеләр янгынны сүндергән вакытта 59 яшьлек ир-атның мәетенә юлыккан.

Реклама

Моннан тыш, янгында 33 яшьлек ир-ат зыян күргән.

Янгынның мәйданы 60 квадрат метр тәшкил иткән. Фаҗиганең сәбәпләре ачыклана.

 

https://tatar-inform.tatar

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: