Лениногорск муниципаль районында "Игътибар, балалар" чарасы узачак

Ул 20 майдан башланып, 3 июньгә кадәр дәвам итәчәк, дип хәбәр итә «ТР Юл хәрәкәте куркынычсызлыгы программаларын финанслау дирекциясе» Лениногорск филиалы.

Әлеге чара юлларда балалар һәм яшүсмерләр катнашында аварияләрне киметүгә юнәлдерелгән.

Шушы елның 4 ае эчендә республика юлларында 16 яшькә кадәрле балалар катнашында 91 юл-транспорт һәлакәте булган, аларда 4 бала үлгән, 101е төрле җәрәхәтләр алган. Узган елның шул чорында 114 авария булган. Быел исә ел башыннан республикада бала-пассажир катнашында 57 юл фаҗигасе булган.