Лениногорск суды 46 яшьлек хатын-кызны спиртлы эчемлекләр кулланып, рульгә утыруы өчен хөкем итте
Суд материалларыннан билгеле булганча, узган елның октябрендә лениногорскилы ханым, хәмер кулланганнан соң, үзенең “Лифан х60” машинасына утырып,шәһәр урамнары буйлап китә.
Дежурлык итәргә чыккан юл-патруль хезмәте инспекторы аны Ленинградская 32нче йорт тирәсендә туктата. Әйтергә кирәк, әлеге машина руле артындагы хатын-кыз моңарчы исерек килеш машина йөрткәне өчен административ җаваплылыкка тартылган булган инде.
Хатын-кызның машинасын туктаткач, инспекторның исерек булуын күреп, прибор ярдәмендә тикшерә. Прибор канда алкоголь барлыгын күрсәтә. Шуннан машина штраф-тукталышка озатыла. Хатын-кызга карата беркетмә төзелә. Аннары эш судка тапшырыла.
Суд утырышында хатын-кыз спиртлы эчемлекләр куллануы өчен үкенүен белдерә, гаебен таный, тик закон кырыс. Суд аңа карата 280 сәгатьлек мәҗбүри эш билгели, транспорт чарасын йөртү хокукыннан 2 елга мәхрүм итә. Моннан тыш машинасы дәүләт милкенә конфискацияләнә.
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев