Лениногорскиның 12 нче лицее янында массакүләм юл-транспорт һәлакәте очрагы килеп чыккан һәм 6 машина зыян күргән.
Лицей янында туктатып калдырылган УАЗ Патриот автомобиле тормоздан ычкынып киткән һәм шушында ук парковкада торган машиналарга килеп бәрелгән.
Нәтиҗәдә 5 чит кеше машинасына һәм үзенә дә зыян салган. Лениногорск автоинспекциясе бүлегеннән алынган мәгълүмат буенча, бу һәлакәт бер кешенең дә сәламәтлегенә бәла-каза китермәгән.
Әмма автомобиль хуҗасына административ җаваплылык тотасы һәм җимерелгән автомобильләр өчен түләргә кирәк булачак.
фото Лениногорск ГАИ бүлегеннән
Нет комментариев