Лениногорскида узган конкурста хәрәкәт инспекторларының яшь ярдәмчеләре көч сынашты

Лениногорскида «Бергәләп миллионлаган кешенең гомерен саклап кала алабыз» дигән муниципаль фестиваль-конкурсы узды.

Конкурста хәрәкәт инспекторларының яшь ярдәмчеләре көч сынашты. Шәһәр балалар бакчаларыннан килгән 13 команда юл хәрәкәте кагыйдәләрен ни дәрәҗәдә яхшы белүләрен күрсәтте: юлдагы төрле хәлләрне тикшерде, юл билгеләрен аңлатты.

Иҗади чыгышлар җырлар, шигырьләр һәм кулдан ясалган плакат белән аеруча матур булды, - дип хәбәр итә “Юл хәрәкәте иминлеге” учреждениесенең профилактика бүлеге начальнигы Эльвира Кирдянова.

Нәтиҗәдә, 1 урында 20 нче балалар бакчасы; икенчедә –  28 нче бакча; өченче урында –7 нче балалар бакчасы.

Барлык катнашучыларга грамоталар, истәлекле бүләкләр һәм рәхмәт хатлары тапшырылды. 

Фестиваль юлларда иминлек кагыйдәләрен кызыклы һәм файдалы итеп өйрәтеп булуын тагын бер кат раслады.