Дачада нинди койма өчен штраф салырга мөмкин булуы турында хәбәр иттеләр

Дача күршеләре арасындагы койма буенча бәхәсләр аның урнашуы яки характеристикасы белән бәйле. Аларны ничек көйләргә һәм ни өчен штрафка тартырга мөмкин булуы турында «Прайм» агентлыгына Европа юридик хезмәтенең әйдәп баручы юристы Србуи Иващенко сөйләде. РИА Новости шул хакта яза.

Гамәлдәге кагыйдәләр бакча территориясендәге кишәрлекләр периметры буенча 1,2-1,8 метр биеклектәге челтәрле койма урнаштырырга тәкъдим итә. Шулай ук башка типтагы койма кую рөхсәт ителә, шулай ук куймаска да мөмкин. Урам ягыннан каплаулы койма тотарга була.

Шәһәр төзелеше эшчәнлеген җайга сала торган җирле норматив актлар, аерым алганда, җирлекләрнең шәһәр төзелешен проектлау нормативлары тагын чикләүләр билгеләргә мөмкин. Әгәр суд койманың территорияләрнең архитектура күренешенә туры килмәвен исбатласа, Административ хокук бозулар кодексы нигезендә штраф салырга мөмкин. Әйтик, Мәскәү өлкәсендә бу физик затлар өчен 3-4 мең сум.

Бәхәснең тагын бер сәбәбе – койманың кадастр чикләренә туры килмәве. Бу чикләрне билгеләү һәм койманы аларга туры китереп хәл ителә. Әгәр ирекле рәвештә килеп чыкмаса, карарны суд кабул итә, дип йомгаклады Иващенко.

https://tatar-inform.tatar