Лениногорск районында автомобиль юлы участогын ремонтлау төгәлләнде

 Лениногорск муниципаль районында Лениногорск-Ивановка-Михайловка автомобиль юлы участогын ремонтлау төгәлләнде.

Яңартылган участокның озынлыгы -  1,9 км. эшләр "Яшәү өчен инфраструктура" илкүләм  проекты кысаларында башкарылган.

Ремонт барышында белгечләр юл хәрәкәтенең ышанычлылыгын һәм куркынычсызлыгын арттыру өчен чаралар комплексын башкардылар. Аерым алганда, булган асфальт‑бетон өслекне фрезерлау үткәрелде, аннан вак бөртекле асфальт‑бетон катнашмасыннан тигезләүче катлам салынды, шулай ук вак таш-мастикалы асфальт-бетон катнашмасыннан өске катлам ясалды.

Асфальт-бетон түшәмәнең гомуми мәйданы -  13 мең квадрат метрдан артык.

5500 кв. метрдан артык мәйданда юл кырыйларын вак таш‑ком катнашмасы белән ныгыту буенча өстәмә эшләр башкарылган.

Участокта яңа юл билгеләре куелган һәм ясалма юл тигезсезлеге урнаштырылган — бу ремонт зонасында хәрәкәт иминлеген арттырырга мөмкинлек бирәчәк. 

Эшләрне "Татнефтедор" җәмгыяте башкарды.

https://mindortrans.tatarstan.ru